حكايات ماما زوزو .. خللى بالك انت وهى .. بقلم دكتورة زينب زكى

اليوم : الجمعة 24 مايو 2019
رئيس مجلس الادارة : ايمان عاطف
رئيس التحرير: اندرو رزق

حكايات ماما زوزو .. خللى بالك انت وهى .. بقلم دكتورة زينب زكى
عدد المشاهدات : 70
2019-05-24 04:03:02

حكايات ماما زوزو

خللى بالك انت وهى .. انت مش بتربى ولد وبنت .. انت بتربى أجيال جاية
بقلم دكتورة زينب زكى

السياسة والحب مع الاطفال هى المفتاح السحرى اللى محدش واخد باله منه .. لكن احنا فى وسط ضغوط الحياة وكل واحد فيه اللى مكفيه من المشاكل بيخرج عصبيته وعنف اليوم كله فى الطفل من غير ما يحس وبالشكل دا بيدفعه تمن ضغوط المجتمع اللى هو مالوش ذنب انه اتوجد فيه من اساسه .. بالتالى لازم نتعلم ازاى نفصل بين مشاكلنا وحياتنا الخاصة وبين احتياج اولادنا لينا .. 
نتعلم ازاى نسمعهم ونديهم الامان علشان يحكولنا على مشاكلهم ويشرحولنا بالتفصيل سيناريوا يومهم كان عامل ازاى ونبدأ بشويش نقوم بهدوء ننزع الخوف من قلوبهم لو علمناهم ازاى يخافوا على زعلنا فيتجنبوا الغلط علشان ماما متزعلش مش نخوفهم مننا ونقول هنعمل الغلط بس من ورا ماما علشان متضربناش او متقولناش كلام وحش بيوجع وهكذا .. 
نتعلم ازاى نخللى ولادنا يجروا علينا يدفنوا فى حضننا كل مشاكلهم واوجاعهم .. مش يهربوا مننا علشان خايفين من العقاب ايا كان نوعه 
تقويم أولادنا يكون باللين والحب مش هتلاقى منهم عناد ..
ماما زوزو


موضوعات ذات صلة
تعليقات القراء من خلال فيس بوك