ولا سامعه

اليوم : الأحد 24 مارس 2019
رئيس مجلس الادارة : ايمان عاطف
رئيس التحرير: اندرو رزق

ولا سامعه
عدد المشاهدات : 77
2019-03-20 12:06:31

الشاعر المصري احمد ابراهيم

واعشلك تاني ايامك واناديلك 
ولا سامعه
وتنزل دمعتي جامعه 
حكاويكي و ارسم في الكتاب رسمه 
وخط مصير واغنيلك 
على شطك هنا المواويل 
واحكيكي لكل الناس 
واشرب كاس
لياليكي واناديكي 
ومااااااااات احساس 
هنا فيكي
وليه بيكي بدوب عاشق 
وانا غارق 
مابين بحرك 
وتايه بين موانيكي
ونزل دمعه محروقه 
واقول توبه
في يوم قلبي يناديكي 
وابعد وامشي واتغرب 
لفين ههرب
وارجع تاني واقرب 
واناديكي تلوميني
اعيش ليلي هنا جنبك
وتسرح دمعتي ماشية على خدي 
ويصرخ قلبي 
مش قادر على جرحك 
جرحتيني 
تعبتيني
قتلتيني فى عز حياه
وانا تايه في ظلمة كون 
لياليكي ده انا بيكي 
جريح ضايع وداير
بين سواقيكي
ولو في لحظة هتنادي 
همد ايديا لايديكي
واقدم روحي وافديكي
ده انا العاشق تراب عطرك 
و ساكن بين حواريكي
وانا فيكي انا الحابي
على عتبة نهار راجع 
هيرجع فجري لعنيكي حبيبتي


موضوعات ذات صلة
تعليقات القراء من خلال فيس بوك