وروي "أحمد"، أحد أهالي المنطقة سبب اشتعال النيران بالمنازل قائلا: «إحنا قاعدين برا البيت في الشارع، لإن البيت بدأ يولع منذ أكثر من سنة»، مضيفا: « الحكاية بدأت لما حاجات فوق البيت ولعت لوحدها الفجر، وكل يوم كان فيه حاجه بتولع».

وأكمل: «بعد كدا النار بدأت تنزل من السطح لشقق البيت، من الساعة 6 الصبح لحد 10 بالليل، أول ما الحركة تبدأ في البيت النار تبدأ هي كمان، أول ما ننام بتختفي تماما».

وأكد: «الجن دخل البيت ومش عاوز حد يقعد فيه، وبدأنا نجيب شيوخ، والشيوخ إللي جات هنا أكتر من 132 شيخ من 8 محافظات، والشيوخ كلهم أجمعوا إن دا جن، وجاي عن طريق عمل معمول من 5 سنين، أو عشيرة من الجن المجوسية إللي بيعبدوا النار».